មជ្ឈមណ្ឌលកម្ពុជា ៤.០ សហការជាមួយ សហភាពសហព័ន្ធយុវជនកម្ពុជា បានបន្តរៀបចំវគ្គបណ្ដុះបណ្ដាលអក្ខរកម្មឌីជីថល ស្ដីពី «អក្ខរកម្មបញ្ញាសិប្បនិម្មិត (AI Literacy)» ដោយមានការគាំទ្រពីក្រសួងប្រៃសណីយ៍ និងទូរគមនាគមន៍ តាមរយៈគម្រោងមូលនិធិ ស.អ.។

ការបណ្ដុះបណ្ដាលនេះត្រូវបានរៀបចំឡើងនៅទីតាំងផ្ទាល់ ដោយមានការចូលរួមពីមន្រ្តីរាជការ និស្សិត បុគ្គលិកឯកជន ម្ចាស់អាជីវកម្ម និងភាគីពាក់ព័ន្ធជាច្រើន។

កម្មវិធីសិក្សាបានរួមបញ្ចូលទាំងទ្រឹស្ដី និងការអនុវត្តជាក់ស្ដែង (Hands-on Practice) ដែលផ្តល់ឱកាសឱ្យសិក្ខាកាមបានសិក្សា ស្វែងយល់ និងអនុវត្តផ្ទាល់ជាមួយឧបករណ៍ និងកម្មវិធី AI ផ្សេងៗ។

តាមរយៈសកម្មភាពនេះ មជ្ឈមណ្ឌលកម្ពុជា ៤.០ មានគោលបំណងចូលរួមអភិវឌ្ឍចំណេះដឹង និងជំនាញឌីជីថលរបស់ប្រជាពលរដ្ឋ ស្របតាមកំណើនតម្រូវការនៃការប្រើប្រាស់បច្ចេកវិទ្យា និងរួមចំណែកជំរុញដំណើរការឌីជីថលូបនីយកម្មនៅកម្ពុជា។

 

#Cambodia4point0 #DigitalLiteracy #AILiteracy #អក្ខរកម្មឌីជីថល #អក្ខរកម្មបញ្ញាសិប្បនិម្មិត