មជ្ឈមណ្ឌលកម្ពុជា ៤.០ សហការជាមួយ សហភាពសហព័ន្ធយុវជនកម្ពុជា បានបន្តរៀបចំវគ្គបណ្ដុះបណ្ដាលអក្ខរកម្មឌីជីថល ស្ដីពី «អក្ខរកម្មឌីជីថលទូទៅ» (General Digital Literacy) ដោយមានការគាំទ្រពីក្រសួងប្រៃសណីយ៍ និងទូរគមនាគមន៍ តាមរយៈគម្រោងមូលនិធិ ស.អ.។

ការបណ្ដុះបណ្ដាលនេះត្រូវបានរៀបចំឡើងនៅទីតាំងផ្ទាល់ ដោយមានការចូលរួមពីមន្រ្តីរាជការ និស្សិត បុគ្គលិកឯកជន ម្ចាស់អាជីវកម្ម និងភាគីពាក់ព័ន្ធជាច្រើន។

កម្មវិធីសិក្សាបានផ្តោតលើការបង្កើនចំណេះដឹង និងជំនាញមូលដ្ឋានឌីជីថលដែលចាំបាច់សម្រាប់ការងារ ការសិក្សា អាជីវកម្ម និងការរស់នៅប្រចាំថ្ងៃ ដោយរួមបញ្ចូលទាំងទ្រឹស្ដី និងការអនុវត្តជាក់ស្ដែង (Hands-on Practice) ដើម្បីឱ្យសិក្ខាកាមអាចប្រើប្រាស់ឧបករណ៍ និងបច្ចេកវិទ្យាឌីជីថលបានប្រកបដោយប្រសិទ្ធភាព សុវត្ថិភាព និងទំនួលខុសត្រូវ។

តាមរយៈសកម្មភាពនេះ មជ្ឈមណ្ឌលកម្ពុជា ៤.០ មានគោលបំណងចូលរួមអភិវឌ្ឍចំណេះដឹង និងជំនាញឌីជីថលរបស់ប្រជាពលរដ្ឋ ស្របតាមកំណើនតម្រូវការនៃសង្គមឌីជីថល និងរួមចំណែកជំរុញដំណើរការឌីជីថលូបនីយកម្មនៅកម្ពុជា។

#Cambodia4point0 #DigitalLiteracy #GeneralDigitalLiteracy #អក្ខរកម្មឌីជីថល #DigitalSkills #DigitalTransformation