បច្ចេកវិទ្យា ដើរតួយ៉ាងសំខាន់សម្រាប់ជាជំនួយដល់ការធ្វើកសិកម្មលើទឹក ដែលបច្ចេកវិទ្យាទាំងនោះមាន ដូចជា អុីនធឺណិតនៃវត្ថុ, បញ្ញាសិប្បនិមិ្មត និងម៉ាស៊ីនសិក្សាជាដើម បានរួមចំណែកក្នុងការជួយបង្កើនប្រសិទ្ធភាពដាំដុះ, ទទួលបានទិន្នផលខ្ពស់ និងកម្រិតប៉ះពាល់ទាបទៅលើបរិស្ថានផងដែរ។ ———————————— #Cambodia4point0 #ResearchArticle #HydroponicFarming

បច្ចេកវិទ្យាអុីនធឺណិតនៃវត្ថុ បានក្លាយជាផ្នែកមួយដ៏មានសារៈសំខាន់នៅក្នុងខ្សែច្រវាក់ផ្គត់ផ្គង់ឌីជីថល ហើយការប្រើប្រាស់បច្ចេកវិទ្យានេះបានបង្កភាពងាយស្រួល និងជាមធ្យោបាយដ៏មានប្រសិទ្ធភាពជួយដល់ការរក្សាទុកផលិតផល, ការផ្ទៀងផ្ទាត់ផលិតផល និងការដឹកជញ្ជូន ដែលបានបង្កើនការគ្រប់គ្រងគុណភាពនៅក្នុងខ្សែច្រវាក់ផ្គត់ផ្គង់ទាំងមូល ពីដើមខ្សែ ដល់ចុងខ្សែ ទាំងនៅក្នុងវិស័យឧស្សាហកម្ម, វិស័យកសិកម្ម និងវិស័យសេវាកម្ម។ #Cambodia4point0 #ResearchArticle #TechandDigitalSupplyChain

ការប្រើប្រាស់បច្ចេកវិទ្យាឌីជីថលក្នុងវិស័យធនាគារមានសន្ទុះកើនឡើងយ៉ាងខ្លាំង ជាពិសេសនៅអំឡុងពេលនៃវិបត្តិជំងឺកូវីដ-១៩។ ដោយឡែក នៅកម្ពុជា យើងសង្កេតឃើញថា រាជរដ្ឋាភិបាលកម្ពុជាបានយកចិត្តទុកដាក់ក្នុងការជំរុញ និងលើកកម្ពស់នូវការចាប់យកបច្ចេកវិទ្យាឌីជីថល សម្រាប់វិស័យធនាគារនៅក្នុងប្រទេស តាមរយៈការបន្តដាក់ចេញនូវគោលនយោបាយ យុទ្ធសាស្រ្ត និងការដាក់ឱ្យប្រើប្រាស់នូវថ្នាលឌីជីថល រួមទាំងបច្ចេកវិទ្យាថ្មីៗ ដើម្បីសម្រួលដល់ការទូទាត់, ការបំពេញការងារ និងការធ្វើអាជីវកម្មរបស់ប្រជាពលរដ្ឋ។ #Cambodia4point0 #ResearchArticle #DigitalBanking

អត្ថបទសិក្សា ស្ដីពី “គេហទំព័រ ៣.០” (Web 3.0) បើទោះបីជា Web 3.0 ស្ថិតក្នុងដំណាក់កាលកំពុងអភិវឌ្ឍន៍នៅឡើយ ប៉ុន្តែយើងបានឃើញពីសន្ទុះនៃការរីកចម្រើនយ៉ាងខ្លាំងនៃជំនាន់ទី ៣ នៃ Web នេះ នៅក្នុងក្របខណ្ឌសកលលោក។ ជាមួយបច្ចេកវិទ្យាបញ្ញាសិប្បនិមិ្មត, ម៉ាស៊ីនសិក្សា, គេហទំព័រ Semantic, Blockchain, the Metaverse និងកិច្ចសន្យាឆ្លាត បានរួមចំណែកក្នុងការបង្កើតបានជាមូលដ្ឋានគ្រឹះដ៏សំខាន់សម្រាប់ការកសាង Web 3.0 ដែលបានផ្តល់នូវអត្ថប្រយោជន៍ជាច្រើនដល់អ្នកប្រើប្រាស់ ដូចជា ការស្វែងរកព័ត៌មានប្រកបដោយប្រសិទ្ធភាព, តម្លាភាព, ទំនុកចិត្ត, សុវត្ថិភាព, កាត់បន្ថយការចំណាយ និងមានសិទ្ធិក្នុងការគ្រប់គ្រងទិន្នន័យរបស់ខ្លួនបានកាន់តែប្រសើរ។ #Cambodia4point0 #ResearchArticle #Web3point0

ភាពជាអ្នកដឹកនាំឌីជីថលពិតជាសមាសធាតុដែលមិនអាចខ្វះបាន ក្នុងការធានាការដឹកនាំប្រកបដោយប្រសិទ្ធភាព និងប្រសិទ្ធផល នៅក្នុងយុគសម័យឌីជីថលនេះ។ ជាមួយចក្ខុវិស័យច្បាស់លាស់, ភាពច្នៃប្រឌិត និងបណ្តាញទំនាក់ទំនងល្អ អ្នកដឹកនាំឌីជីថលអាចជួយបង្កើនផលិតភាពក្នុងស្ថាប័ន, បង្កើនភាពពេញចិត្តរបស់អតិថិជន, បង្កើនចំណូលអាជីវកម្ម ព្រមទាំងបង្កើនលទ្ធភាពក្នុងការរក្សាបុគ្គលិក តាមរយៈការប្រើប្រាស់បច្ចេកវិទ្យាចំគោលដៅ, ស្របតាមតម្រូវការជាក់ស្តែងរបស់អាជីវកម្ម និងស្ថាប័ន, បានទាន់ពេលវេលា ប្រកបដោយប្រសិទ្ធភាព និងស័ក្តិសិទ្ធិភាព។ ដោយឡែក នៅកម្ពុជា ភាពជាអ្នកដឹកនាំឌីជីថលបាននឹងកំពុងមានសន្ទុះរីកចម្រើនគួរឱ្យកត់សម្គាល់ ដែលតម្រូវឱ្យមានការយកចិត្តទុកដាក់បន្ថែមទៀតលើបច្ចេកវិទ្យាឌីជីថលដែលមានសក្តានុពល ដូចជា ការធ្វើទីផ្សារតាមបែបឌីជីថល, ពាណិជ្ជកម្មតាមប្រព័ន្ធអេឡិចត្រូនិក, ទិន្នន័យធំ និងការវិភាគ, ប្រព័ន្ធកុំព្យូទ័រក្លោដ និងសន្តិសុខសាយប័រ ជាដើម។ ———————————— #Cambodia4point0 #ResearchArticle #TechandDigitalLeadership

សហគ្រិនភាពឌីជីថលបានដើរតួនាទីយ៉ាងសំខាន់ក្នុងការជួយដោះស្រាយបញ្ហាប្រឈមនានានៅក្នុងសង្គម ហើយការចាប់យកសហគ្រិនភាពឌីជីថលក៏អាចជួយបង្កើនទីផ្សារ, បង្កើនចំណូល, សម្រួលដល់ការធ្វើការងារពីចម្ងាយ, ពង្រឹងស័ក្តិសិទ្ធិភាពការងារ និងជួយឱ្យការសម្រេចចិត្តរបស់សហគ្រិនកាន់តែប្រសើរ។ នៅប្រទេសកម្ពុជា ប្រព័ន្ធអេកូឡូស៊ីសហគ្រិនភាពឌីជីថលមានភាពរីកចម្រើនគួរឱ្យកត់សម្គាល់ ដោយសារតែកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការដាក់ចេញនូវគោលនយោបាយ, យុទ្ធសាស្ត្រ និងច្បាប់ ព្រមទាំងវត្តមាននៃកម្មវិធីគាំទ្រដល់សហគ្រិនឌីជីថល ទាំងផ្នែកបច្ចេកទេស និងហិរញ្ញវត្ថុ, ការពង្រឹងសមត្ថភាព និងភាពរីកចម្រើននៃហេដ្ឋារចនាសម្ព័ន្ធ។ ទន្ទឹមនឹងនេះ ជាមួយការមកដល់នៃបដិវត្តន៍ឧស្សាហកម្ម ៤.០ ក៏ដូចជាការប្រែប្រួលនៃតម្រូវការ សហគ្រិនក៏ត្រូវគិតគូរពីការចាប់យកសហគ្រិនភាពឌីជីថល តាមរយៈការប្រើប្រាស់បច្ចេកវិទ្យាឌីជីថល ដូចជា បណ្តាញសង្គម ការទូទាត់តាមបែបឌីជីថល ការធ្វើទីផ្សារឌីជីថល បច្ចេកវិទ្យាកុំព្យូទ័រក្លោដ និងប្រព័ន្ធគ្រប់គ្រងទំនាក់ទំនងអតិថិជនជាដើម ដើម្បីរក្សាបាននូវភាពប្រកួតប្រជែង និងនិរន្តរភាពនៃអាជីវកម្ម៕ #Cambodia4point0 #ResearchArticle #DigitalEntrepreneurship

អត្ថបទសិក្សា ស្ដីពី “រដ្ឋាភិបាលឌីជីថលនៅកម្ពុជា” បដិវត្តន៍ឧស្សាហកម្ម ៤.០ និងវិបត្តិជំងឺកូវីដ-១៩ បានធ្វើឱ្យមានការផ្លាស់ប្តូរយ៉ាងខ្លាំងលើវិស័យអប់រំ, ទីផ្សារការងារ, វិស័យសុខាភិបាល, វិស័យធុរកិច្ច, សេវាសាធារណៈ និងរដ្ឋបាលសាធារណៈជាដើម។ ការប្រើប្រាស់បច្ចេកវិទ្យា ដូចជា បច្ចេកវិទ្យាព័ត៌មាន និងទូរគមនាគមន៍, QR Code, ការទូទាត់តាមបែបឌីជីថល, បច្ចេកវិទ្យាកុំព្យូទ័រក្លោដ, ទិន្នន័យធំ និងស្វ័យប្រវត្តិកម្មក្នុងការអភិវឌ្ឍរដ្ឋាភិបាលឌីជីថលពិតជាមានសារៈសំខាន់ណាស់ក្នុងការជួយពង្រឹងការផ្តល់សេវាដល់ប្រជាពលរដ្ឋ និងអាជីវករ, សន្សំសំចៃថវិកា, បង្កើនប្រសិទ្ធភាព និងផលិតភាពការងារ, ពង្រឹងតម្លាភាព និងភាពបើកចំហ និងការពារទិន្នន័យ និងព័ត៌មានសំខាន់របស់រដ្ឋាភិបាល។ ———————————— #Cambodia4point0 #ResearchArticle #DigitalGovernment

អត្ថបទសិក្សា ស្ដីពី “ការអប់រំស្ទែមនៅកម្ពុជា” ការលើកកម្ពស់ការអប់រំស្ទែម ដែលរួមមានការអប់រំផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យាពិតជាមានសារៈសំខាន់ណាស់ក្នុងការជួយឱ្យសិស្ស-និស្សិតមាននូវជំនាញសមស្របសម្រាប់ទីផ្សារការងារថ្មី ព្រមទាំងអាចជួយឱ្យពួកគេមានភាពរីករាយក្នុងការសិក្សា, បង្កើនសមត្ថភាពធ្វើការងារជាក្រុម និងពង្រឹងការគិតត្រិះរិះពិចារណាជាដើម។ #Cambodia4point0 #ResearchArticle #STEMEducation

បច្ចេកវិទ្យាថាមពលកកើតឡើងវិញ ដូចជា បច្ចេកវិទ្យាថាមពលពន្លឺព្រះអាទិត្យ, បច្ចេកវិទ្យាវារីអគ្គិសនី, បច្ចេកវិទ្យាទួរប៊ីនខ្យល់ និងបច្ចេកវិទ្យាជីវថាមពលបានដើរតួនាទីយ៉ាងសំខាន់ក្នុងការជួយឱ្យកម្ពុជាកាត់បន្ថយការពឹងផ្អែកលើការនាំចូលថាមពលអគ្គិសនីពីបរទេស, កាត់បន្ថយហានិភ័យលើបរិស្ថាន, ធានានិរន្តរភាពនៃការផ្គត់ផ្គង់ថាមពល, កាត់បន្ថយការចំណាយ, កាត់បន្ថយការប្រើប្រាស់ទឹក និងកាត់បន្ថយកាកសំណល់។ #Cambodia4point0 #ResearchArticle #RenewableEnergy